logo

Yangiliklar va tadbirlar

YOSHLAR - KELAJAK BUNYODKORI

 

Eng muhim vazifa – yosh avlodga puxta ta'lim berish, ularni ma'naviy yetuk insonlar etib tarbiyalashdir.
O'zbekiston Respublikasi Prezidenti Sh.M.Mirziyoyev

МЧЖ “УзЧасис” Ўзбекистон – Корея қўшма корхонасида “Коррупция жиноятларнинг сабаблари ва уни олдини олиш” ва майда ташимачилик мавзуси бўйича давра суҳбати ўтказилилди

 

Ўзбекистон ёшлар иттифоқи “УзЧасис” қўшма корхонаси бошланғич ташкилоти томонидан 2018 йил 01 – август куни “Коррупция жиноятларнинг сабаблари ва унинг олдини олиш” ва майда ташимачилик мавзуси тўғрисида  Наманган шаҳар прокуротураси билан биргаликда давра суҳбати ташкил этилди.

Давра суҳбатида Наманган шаҳар прокурорининг катта ёрдамчиси 3 – даражали юрист Росулжон Бобожонов сўзга чиқиб коррупция сўзининг маъносига тушунча бериб, 2017 йил 03 – январда Ўзбекистон Республикасининг “Коррупцияга қарши курашиш тўғрисида”ги Қонуни қабул қилинганлиги мазкур Қонун 34 – моддадан иборат бўлиб ушбу Қонуннинг мақсади коррупцияга қарши курашиш соҳасидаги муносабатларни тартибга солишдан иборатлигини такидлади ҳамда майда ташимачилик бу ўғирлик эканлигини ушбу ҳолатларга қонунда тегишли жазо белгиланганлиги ҳақида тўлиқ тушунчалар бериб ўтди. 

Иштироқчи ёшлар ўзларининг муаммолари, қизиқтирган саволларига жавоблар олдилар. Якунда келгусида ҳам бу каби давра суҳбатлари ўтказилишига келишиб олинди.       

 

 

Ёшлардан рационализаторлик таклифлар ўрганилди


“Фаол тадбиркорлик, инновацион ғоялар ва технологияларни қўллаб-қувватлаш” йилида МЧЖ “O’z ERAE Climate Control”  қўшма корхонаси ёшлар иттифоқи бошланғич ташкилотида  ёш ходимлари томонидан бир қанча рационализаторлик таклифлари билдирилди. Жумладан “Тадқиқот ва ривожлантириш” бўлими мухандиси Умаров Акбаржон томонидан корхонамизнинг марказий омборида бир неча йиллардан буён сақланаётган SEAL хом ашёсини Спарк автомобилининг 4 турдаги деталига сарфлашни таклиф қилди. Ушбу таклифни ўрганиб чиқилиб, хозирги кунда таклифни амалга ошириш бўйича ишлар олиб борилмоқда. Таклифнинг амалга ошиши корхонамизга 30 000 000 миллион сўмдан ортиқ фойда келтириши аниқланди.

 

 

«Ёшлар - келажагимиз» Давлат дастури доирасида учрашув бўлиб ўтди


Ўзбекистон Республика Президентининг 2018-йил 27-июндаги «Ёшлар - келажагимиз» Давлат дастурини тўғрисидаги ПФ-5466-сон  Фармонидаги белгиланган вазифалар бўйича  МЧЖ “O’z ERAE Climate Control”  қўшма корхонаси ёшлар иттифоқининг бошланғич ташкилоти томонидан,корхона ёшлари билан  учрашувлар бўлиб ўтди. “Ёшлар келажагимиз” Давлат дастурида ёшларга берилган имкониятлар тўғрисида атрофлича маълумотлар берилди.

 

 

"JV MAN Auto-Uzbekiston" МЧЖ ҚКда "Ёшлар - келажагимиз" давлат дастури доирасидаги учрашув бўлиб ўтди


"JV MAN Auto-Uzbekiston» МЧЖ қўшма корхонаси Ёшлар иттифоқининг бошланғич ташкилоти томонидан  жорий йилнинг 26-27 июль куни Ўзбекистон ёшлар иттифоки Самарканд вилоят Кенгаши билан хамкорликда, Ўзбекистон Республика Президентининг 2018-йил 27-июндаги «Ёшлар - келажагимиз» Давлат дастурини тўғрисидаги ПФ-5466-сон Фармонидаги белгиланган вазифалар бўйича учрашув ўтказиш режалаштирилган. Бугун бўлиб ўтган тадбирда Ўзбекистон ёшлар иттифоки Самарканд вилоят Кенгаши  раисининг ўринбосари Нурмуратов Анвар иштирок этди ва тадбир давомида "Ёшлар келажагимиз" Давлат дастурида ёшларга берилган имкониятлар тўғрисида маълумот берди.

 

 

“УзЧасис” қўшма корхонасида “Ёшлар – келажагимиз” давлат дастури доирасидаги учрашув бўлиб ўтди


Ўзбекистон ёшлар иттифоқи “УзЧасис” қўшма корхонаси бошланғич ташкилоти томонидан 2018 йил 20 – июль куни “Ёшлар – келажагимиз” давлат дастури доирасида корхона бош директори Боймирзаев Дилшодбек Нозимжонович ҳамда корхона ёшлари ўртасида учрашув ташкиллаштирилиб келгусидаги ишлар, режалар, ёшларга бўлган эътибор бўйича корхона бош директори томонидан тушунчалар берилди. Ёшлар билан ишлаш, улардан лавозимларга захиралар тайёрлаш, ижтимоий қўллаб қуввалаш бўйича ёшлар учун қулай шарт – шароитлар яратилаётганлиги ва корхона жамоа шартномасида тасдиқланганлигини гапириб ўтди.

Якунда келгусида ҳам бу каби учрашувлар ўтказилишига келишиб олинди.

 

 

НДУ талабаларининг “УзЧасис” қўшма корхонасига ташрифи

 

Корхона ва олий билим юртлар ўртасида ҳамкорликни ривожлантириш, ёш талабаларга махорат сирларини ўргатиш бўйича Наманган давлат университетининг автомобил транспорти таълим йўналиши 1-курс талабалари 2018 йил 18 – июль куни корхонага таклиф қилинди ҳамда корхона Ёшлар иттифоқи бошланғич ташкилоти етакчиси Сидиқов Шерзод Содиқжонович томонидан корхона тарихи ва ёш мутахассислар томонидан  олиб борилаётган ишлар, келажакдаги режалар, ишлаб чиқарилаётган махсулотлар билан таништирилиб тушунчалар берилди.

 

 

“Юксак ҳуқуқий маданият – фуқаролик жамиятининг асоси” мавзусида давра суҳбати ўтказилди

 

«JV MAN Auto-Uzbekiston» МЧЖ қўшма корхонаси ёшлар иттифоқининг болангич ташкилоти томонидан  жорий йилнинг 20 июль куни ёшларда ҳуқуқий таълим ва тарбия тизимини такомиллаштириш, мамлактимизда қабул қилинган қонунларга нисбатан барчани бирдек ҳурмат билан муносабатда бўлишини таъминлаш мақсадида “Юксак ҳуқуқий маданият – фуқаролик жамиятининг асоси” мавзусида вилоят адлия бошқармаси билан ҳамкорликда учрашув ташкил этилди.               

 

 

“ДжиЭм Ўзбекистон ёшлар кубоги” мусобақаси якуний ярим финал ва финал босқичлари бўлиб ўтди


Ўзбекистон ёшлар иттифоқи “ДжиЭм Ўзбекистон” акциядорлик жамияти бошланғич ташкилоти ва Касаба уюшма кўмитаси томонидан 30-июн “Ёшлар куни” байрами муносабати билан “Ёшлар - Ўзбекистон келажаги!” шиори остида бошқарма, бўлим ва ишлаб чиқариш цехларидаги ёшлар ўртасида ўтказилган “ДжиЭм Ўзбекистон ёшлар кубоги” мини-футбол мусобақаси ярим финал ва финал учрашувлари жахон чемпионати финали билан бир кунда 15 июл куни бўлиб ўтди. Мусобақа якунига кўра 2-Пайвандлаш цехи ёшлар жамоаси чемпион бўлди. Ғолибларни ва барча 2-Пайвандлаш цехи меҳнат жамоасини мазкур муваффаққият билан табриклаймиз! Ўзбекистон ёшлар иттифоқи “ДжиЭм Ўзбекистон” акциядорлик жамияти бошланғич ташкилоти мусобақада иштирок этган барча спортчи ва мураббийларга миннатдорчилик билдиради.

 

 

 

"Истеъмолчилар ҳуқуқлари мавзусида давра сухбати ўтказилди" 


Ўзбекистон ёшлар иттифоқи “УзЧасис” қўшма корхонаси бошланғич ташкилоти етакчиси Сидиқов Шерзод Содикжонович ва истеъмолчилар ҳуқуқларини ҳимоя қилиш жамиятлари федерацияси Наманган вилояти худудий бирлашмаси, Наманган шаҳар жамияти билан ҳамкорликда 2018 йил 06 – июл куни жамият бошлиғи Хусанбой Алиев билан “УзЧасис” қўшма корхонасида ёшлар ўртасида давра суҳбати ташкил этилди.

Давра суҳбатида ёшларимизга истеъмолчилар ҳуқуқларини ҳимоя қилиш соҳасида амалга оширилаётган ишлар юзасидан маълумотлар берилди. Иштироқчи ёшлар ўзларининг муаммолари, қизиқтирган саволларига жавоблар олдилар. Хусусан Хусанбой Алиевга кўпчилик ёшлар томонидан коммунал тўловларини вақтида иш ҳақидан тўлаб борилишига қарамасдан Мажбурий ижро бюроси ҳодимлари томонидан қарздорлик мавжудлиги ҳақида огохлантиришлар берилаётганлиги муаммоси билан мурожаат этишди ва ушбу масалалар жойида ҳал этилиб керакли тавсиялар берилди.

Якунда келгусида ҳам бу каби давра суҳбатлари ўтказилишига келишиб олинди.

 

 

“Ўзбекистон ёшлар иттифоқи стенди”


“Уз-Донг Жу Пэинт Ко” МЧЖ шаклидаги қўшма корхонасида Ўзбекистон ёшлар иттифоқи бошланғич ташкилоти фаолиятига оид бўлган ва барча маълумотлар жамланган махсус стенд “Ўзбекистон ёшлар иттифоқи стенди” жорий этилди. Ушбу стендда кенгаш аъзолари таркиби, ўтказилган тадбирлардан фото лавҳалар, фаол аъзолар рейтинги, Ўзбекистон ёшлар иттифоқи имтиёзлари,  меъёрий ва хуқуқий хужжатлар тўплами мавжуд. 

 

“Муваффақиятга эришиш сирлари”


2018 йилнинг 4-5 июль кунлари "Уз-Донг Жу Пэинт Ко" МЧЖ шаклидаги қўшма корхонаси ва Андижон давлат университети билан ўзаро ҳамкорликда, олийгоҳнинг “Кимё” факультети 2-3 курс талабалари учун ўқув амалиёт дастури доирасида экскурсия ташкил этилди. Дастлаб талабалар корхонанинг техника хавфсизлик қоидалари бўйича махсус йуриқномадан танишиб чиқдилар ва уларга техника хавфсизлиги қоидалари бўйича видеоролик намойиш этилди. Сўнг талабаларга корхонанинг ҳозирги кундаги фаолияти, лаборатория шароитида маҳсулотларни текшириш босқичлари ва лаборатория асбоб-ускуналаридан фойдаланиш жараёнлари ҳамда бевосита лак-бўёқ маҳсулотларининг тайёрланиш жараёнлари билан яқиндан танишдилар. Шунингдек, ташриф давомида корхонанинг малакали ишчи-ходимлари томонидан касбнинг сир-асрорлари бўйича ахборотлар берилди. Икки кунлик ташриф давомида 60 нафар талабалар иштирок этдилар.


 

“Бепул кутубхона ташкил этилди”

 

Корхона ишчи-ходимлари ва корхона жойлашган Харкоп посёлкаси, 1-тор Айрилиш кўчаси ҳудудига Аҳоли орасида китобхонлик маданиятини шакллантириш ва китоб ўқишга бўлган қизиқишни ошириш мақсадида “Уз-Донг Жу Пэинт Ко” МЧЖ шаклидаги қўшма корхонаси томонидан махсус “Китоблар жавони” ўрнатилди.  Китоб жавонига турли хил мазмундаги асарлар ва шеърий тўпламлар жойлаштирилди. Ушбу китоб жавонидан ишчи-ходимлар ва халқимиз бепул фойдаланиши мумкин бўлади. Шунингдек, китоб жавонига ундан фойдаланиш тартиби тўғрисида эслатма ҳам илинди. Ушбу лойиҳа “Бир китоб олинг, бир китоб қўйинг” шиори остида ташкил этилди.

 

 

 

30.06.2018

Шахмат мусобақаси бўлиб ўтди


30-июнь “Ёшлар куни” байрами муносабати билан Андижон вилояти Касаба уюшма ташкилотлари бирлашмаси ва Ўзбекистон ёшлар иттифоки Андижон вилояти кенгаши билан ҳамкорликда “Ёшлар - Келажагимиз” шиори остида Эркинжон Каримов хотирасига бағишланган Шахмат мусобақаси бўлиб ўтди. Мазкур мусобақада “ДжЭм Ўзбекистон” акциядорлик жамияти ёшлари автомобилсозлар шарафини химоя қилдилар. Қизғин ва муросасиз кечган мусобақа якунларига кўра Бухгалтерия хисоби хизмати ходимларидан Хусанов Бобиржон фахрли 3-ўринни эгаллади ва Музаффаров Аббосбек мусобақанинг “Энг яхши комбинация” номинацияси буйича ғолибликни қўлга киритдилар. Барча ғолиб ва фаол иштирок этган ёш ходимлармизни ушбу муваффаққият билан табриклаймиз!

Ёшларимизнинг бу каби ғалабалари соха нуфузини янада ортишига хизмат қилади. Бу борада мунтазам равишда ички мусобақалар ўтказиб борилиши иктидорли ёшларимиз сафини кенгайтиришда мухим аҳамият касб этади.


 

30-июнь “Ёшлар куни” муносабати билан “ДжиЭм Ўзбекистон” АЖда “Заковат” интеллектуал турнири бўлиб ўтди

 

“ДжиЭм Ўзбекистон” акциядорлик жамиятининг 2018 йилда ёшларга оид давлат сиёсатини амалга ошириш юзасидан чора-тадбирлар дастурининг ижросини таъминлаш мақсадида жорий йилнинг 20  июнь  куни “Заковат” интеллектуал турнири ўтказилди. Мазкур билимдонлар беллашувида бошқарма, бўлим ва ишлаб чиқариш цехларидан мос равишда биттадан жамоалар иштирок этдилар. Интеллектуал беллашув 1-Пресслаш цехи, 2-Пресслаш цехи, 1- Пайвандлаш цехи, Бухгалтерия хисоби хизмати, Мухандислик махсулотлари ва таъминотчилар сифати, Технология бўлими жамолари иштирокида жуда хам қизғин ва кўтаринки кайфиятда бўлиб ўтди. Якунда 15та тур натижаларига кўра 2-Пресслаш цехи жамоаси 3-ўринни, Технология бўлими жамоаси 2-ўринни, Бобиржон Хусановнинг  “Бухгалтерия хисоби хизмати” жамоаси 1-ўринни эгалладилар. Ғолиб жамоа аъзолари диплом ва эсдалик совғалари билан тақдирландилар. Бу каби билимдонлар беллашуви ёшларнинг малака ва билимларини юзага чиқаришда, рағбатлантиришда, уларнинг саводхонлик даражаси ортишида муҳим ахамиятга эга хисобланади.

 

 

Дженерал Моторс Ўзбекистон - ЧЕМПИОН!!!

 

Ўзбекистон Ёшлар Иттифоқининг Андижон вилоятида жойлашган корхона, ташкилот ва муассасалардаги бошланғич ташкилот ёшлари ўртасида "Ёшлар кубоги" мини-футбол мусобақаси бўлиб ўтди. Мусобақада вилоятда жойлашган турли соҳалардаги корхона ва ташкилотларнинг ёшлар жамоалари ҳам иштирок этдилар. Мазкур мусобақада ички чемпионатларда саралаб олинган ёшлардан иборат  «ДжиЭм Ўзбекистон» АЖ ёшлар терма жамоаси туман, вилоят минтақа ва вилоят босқичларидаги барча учрашувларда ғалаба қозониб, чемпионликни қўлга киритди ва кейинги Республика минтақа босқичига йўлланма олди. Спорт соҳасида автомобилсозлар нуфузини ортишига ўз хиссасини қўшиб келаётган «ДжиЭм Ўзбекистон ёшлар терма жамоаси»га омад ёр бўлсин. Ўзининг ёрқин ўйинлари билан Республикада хам чемпион бўлишига ишонамиз!!!

 

 

01.06.2018

Асака автомобиль заводининг 1-пресслаш цехида Шахмат-Шашка турнири ўтказилди


Ўзбекистон ёшлар иттифоқи “ДжиЭм Ўзбекистон” акциядорлик жамияти бошланғич ташкилоти ва Касаба уюшма қўмитаси томонидан 2018 йил 1 июнь куни Ишлаб чиқариш бошқармаси 1-пресслаш цехида Шахмат-Шашка мусобақаси ўтказилди. 1-пресслаш цехи миқёсида ўтказилган мазкур мусобақада 20 нафардан ортиқ ишчи-ходимлар иштирок этдилар. Цех мусобақаси якунига кўра спортнинг Шашка тури бўйича 1-пресслаш цехи А-смена оператори Ахунов Мохирбек ғолибликни қўлга киритган бўлса, Шахмат бўйича 1-пресслаш цехи D-смена ишчиси Бозорбоев Давронбек барча рақибларидан устун келиб, цех бўйича тенгсиз деб топилди. Ғолиблар цех бошлиғи ҳамда ташкилотчилар томонидан диплом ва фахрий ёрлиқлар билан тақдирландилар. Барча соҳаларда етакчи бўлиб, ўрнак кўрсатаётган 1-пресслаш цехи меҳнат жамоасига кейинги фаолиятида ҳам улкан зафарлар тилаб қоламиз.

 

 

31.05.2018

“Муваффақиятга эришиш сирлари”


2018 йил 31 май куни "AVTOKOMPONENT" АЖ томонидан Андижон машинасозлик институтининг битирувчи курс талабалари учун ўқув амалиёт дастури бўйича корхонанинг малакали усталари томонидан “Касбнинг сир-асрорлари” ўргатилди. Шунингдек ташриф давомида талабаларга "AVTOKOMPONENT" АЖнинг ташкил топиш тарихи ҳамда ҳозирги кундаги фаолияти юзасидан талабаларга маълумотлар берилди ва корхонанинг ишлаб чиқариш жараёни билан яқиндан танишишди. Бу ташриф дастлабки ташрифга нисбатан, янада қизиқарли ва сермазмун ташкил этилди.

Бундан ташқари корхонанинг Ёшлар иттифоқи бошланғич ташкилоти томонидан ёшлар учун яратилаётган шарт-шароити ва амалга оширилаётган ислоҳотлари билан ҳам танишиб чиқишди.

 

 

30.05.2018

“Маданият ходимлари билан учрашув”

 

“GM Uzbekistan” АЖда маданият ишлари вазирлиги ходимлари, таниқли кино ва театр актёрлари, бадиий сўз усталари Жўраев Равшан Нажимович ҳамда Заидов Мирвохид Мирзахматовичлар билан ижодий учрашув бўлиб ўтди

Ижодий учрашувда дастлаб Ўзбекистон Республикаси Президенти Шавкат Мирзиёевнинг 2017-2021 йилларда мамлакатимизни ривожлантиришнинг 5 та устувор йўналишлари бўйича мазмун-моҳияти ёритиб берилди. Шундан сўнг Муҳтарам Президентимиз томонидан китоб ўқишга жиддий эътибор берилиши лозимлиги, айниқса ёшлар ўртасида китобхонликни тарғиб қилиш мавзусидан келиб чиққан холда шоира Зулфия Мўминованинг “Болага китоб беринг” шеъри ўқиб эшиттирилди.

Драматурглар Иззат Султон ва Уйғунларнинг қаламига мансуб бўлган “Алишер Навоий” спектаклидан кўриниш намойиш этилди. Юртимизда ҳукм сураётган тинчлик ва осойишталикни қадрига етишга чорловчи шеър, Сурияда кечаётган мудҳиш фожеалар қурбони бўлган 5 ёшлик боланинг ўлимидан олдин айтмоқчи бўлган сўзлари жуда таъсирли шеър орқали ижро этилди.

Катта даромад топаман деб, ўзга юртларда сарсон-саргардон бўлиб юрган, одам савдосига дучор бўлган юртдошларимизга қарата ёзилган Абдулазиз Шукуровнинг “Шукрона” шеъри ижро этилди. Ота-онани ҳурмат қилиш, уларга катта, юксак эҳтиром кўрсатиш мавзусида яратилган “Ота-Она” қасидаси ижро этилди. Барчамиз учун энг азиз бўлган “Она” қўшиғи ижро этилди. “Йиллар”, “Халқимиз тилаги” ва “Ўзбекистон” шеърлари айтиб берилди ва якунда йиғилганлар мехмонларга ўзини қизиқтирган саволлари билан мурожаат этдилар. Табассум ва кўз ёшларга бой бўлган мазкур театрлаштирилган маданий дастур корхонамиз ишчи-ходимларида катта таасуротлар қолдирди.

 

 

“Маданият ходимлари билан учрашув” давоми


“Uzkaram Kompani” АЖда маданият ишлари вазирлиги ходимлари, таниқли кино ва театр актёрлари, бадиий сўз усталари Жўраев Равшан Нажимович ҳамда Заидов Мирвохид Мирзахматовичлар билан ижодий учрашув бўлиб ўтди.


 

 

29.05.2018

“Юксак маънавиятли авлод”


Мамлакатимизда юксак маънавиятли, иқтидорли ва ижодкор ёшларни излаб топиш, уларнинг бўш вақтларини мазмунли ўтказиш ҳамда ҳар томонлама қўллаб-қувватлаш мақсадида ёшлар иштирокида турли хил конференциялар, акциялар, ижодий танловлар, ҳамда республика фестивалларини анъана тусига кириб бормоқда.

Шу давомийликни сақлаб қолган ҳолда Республика Маънавият ва маърифат маркази билан ҳамкорликда ташкил этилган “Юксак маънавиятли авлод” Республика фестивалининг Тошкент шаҳар босқичида “Ўзавтосаноат” АЖ тизимидаги Тошкент шаҳар Турин политехника университети 4-босқич “Машинасозлик технологияси” йўналиши талабаси Собирхонов Акбархон “Қишлоқ шароитида фойдаланиладиган дрон” лойиҳаси билан қатнашди. Ушбу лойиҳанинг афзаллик томонлари, яъни  қишлоқ ҳўжалик экинларга масофадан туриб турли қурт-қумурсқаларга қарши дори сепиш орқали фойдаланишни намаён этиб берди.

Фестивал якунларига кўра А.Собирхонов фахрли биринчи ўринни қўлга киритиб фестивалнинг Республика босқичига йўлланма олди ҳамда Тошкент шаҳар хокими фахрий диплом ва қимматбаҳо эсдалик совғасини қўлга киритди.

 

 

26.05.2018

“Тинчлик тотувлик ва диний бағрикенглик” мавзусида учрашув


Муборак Рамазон ойининг фазилатли кунлари юртимиз узра ўз нурини таратиб турган айни дамларда Ўзбекистон мусулмонлари идораси раиси, муфтий Усмонхон Алимов ҳазратлари Республикамизнинг вилоятларига юртимиз аҳолисини ушбу Муборак Рамазон ой билан табриклашлик асносида ўзининг ташрифларини амалга ошириб келмоқдалар. Куни кеча бизнинг Уз Донг Вон Ко корхонамиз Ёшлар иттифоки бошлангич ташкилоти ёшлари, ҳурматли хамкасбларимиз ҳам анашундай хурсандчликдан баҳраманд бўлдилар. Муфтий ҳазратлари "Уз Донг Вон Ко" кушма корхонасига ташриф буюриб, ушбу корхонада ишлайдиган барча ишчи ходимларни Муборак Рамазон ойи билан табриклаб, дуои-хайрлар қилдилар.

Муфтий ҳазратлари хамкабларимизга мавъиза қилиб, бугунги кунда муҳтарам Президентимиз томонларидан олиб борилаётган муборак динимиз тараққиёти йўлидаги улкан ишлари, хайрли ислоҳотлар ва Аллоҳ таборака ва таъолонинг берган неъматларига шукрона қилиш тўғрисида сўзлаб бердилар. Муфтий ҳазратлари йиғилиш катнашчиларига Рамазон ойининг файзу тароватидан баҳра олиб, Рамазоннинг ҳақиқий завқи – Қуръон тиловати ва Аллоҳнинг зикри билан онгу шуурларимизни банд қилиш, улуғ ойнинг илоҳий файзидан насибадор бўлишга чақирдилар. 

 

 

25.05.2018

Коррупцияга қарши кураш – устувор вазифа


Бугунги кунда коррупция фуқароларнинг ижтимоий адолатга, давлат органларига нисбатан ишончини сусайтиради, давлатнинг иқтисодий ўсишига салбий таъсир кўрсатади, қолаверса жамиятдаги маънавий муҳитни бузилишига олиб келади.

Давлатимиз раҳбари Ш.Мирзиёев “Жамиятимизда коррупция, турли жиноятларни содир этиш ва бошқа ҳуқуқбузарлик ҳолатларига қарши курашиш, уларга йўл қўймаслик, жиноятга жазо, албатта, муқаррар экани тўғрисидаги қонун талабларини амалда таъминлаш бўйича қатъий чоралар кўришимиз зарур”, деб бежиз таъкидламади.

Шулардан келиб чиқиб, коррупцияга қарши курашишнинг ҳуқуқий механзми яратилди. Яъни, Ўзбекистон Республикасининг 2017 йил 3 январдаги “Коррупцияга қарши курашиш тўғрисида”ги Қонуннинг мақсади коррупцияга қарши курашиш соҳасидаги муносабатларни тартибга солишдан иборатдир.

Ушбу иллатга қарши курашиш борасида мамлакатимизда қабул қилинган халқаро ҳужжатларни ратификация қилиш билан бирга, коррупция ва жиноятчиликка карши курашиш ҳамда унинг олдини олишга қаратилган миллий ҳуқуқий база ва тизимли амалиёт шаклланган.

“ДжиЭм Ўзбекистон” акциядорлик жамиятида бўлиб ўтган йиғилиш ҳам айнан мана шу мавзуда бўлиб ўтди. Йиғилишда “Ўзавтосаноат” АЖ бошқарув раиси ўринбосари Р.Юсупов, “Ўзавтосаноат” АЖ ходимлар билан ишлаш бошқармаси бошлиғи ва Ўзбекистон ёшлар иттифоқи Етакчилар Кенгаши раиси А.Хасанов, хуқуқни мухофаза қилувчи идоралар (ДХХ, Прокуратура, ИИБ, Департамент) ходимлари, “ДжиЭм Ўзбекистон” АЖ бош директори ҳамда рахбар ходимлари, Андижон вилоятида жойлашган “Ўзавтосаноат” АЖ таркибидаги барча қўшма корхоналар рахбарлари иштирок этдилар.

Бош директор раислигида ўтказилган ушбу йиғилишда интернет ва оммавий ахборот воситалари орқали сўнгги вақтларда тарқалган хабарлар мухокама қилинди.

Йиғилишда коррупцияга қарши курашиш бўйича фаолиятни бевосита амалга оширувчи давлат органлари ҳақида маълумот берилиб, Ўзбекис­тон Республикаси Бош прокуратураси, давлат хавфсизлик хизмати, Ички ишлар вазирлиги, Адлия вазирлиги, Бош прокуратура ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаменти каби давлат органларининг коррупцияга қарши курашиш бўйича фаолияти ҳақида маълумотлар берилди.

Бу каби йиғилишларни ўтказиш коррупцияга қарши курашишда ходимларнинг ҳуқуқий онги ва ҳуқуқий маданиятини юксалтириш, коррупцияга нисбатан муросасиз муносабатни шакллантириш, каскад усулида етказиш орқали барча ходимларнинг ҳуқуқий саводхонлигини оширишда мухим ахамият касб этади. Чунки ҳуқуқий онг ва ҳуқуқий маданияти юксак бўлган инсонлар салбий иллат бўлмиш коррупцияга йўл қўймайдилар.

Йиғилиш сўнггида мазкур холатни олдини олиш юзасидан тегишли чора тадбирларни амалга ошириш тўғрисида қарорлар қабул қилиниб, вазифалар белгиланди. 



tepaga