logo

ISUZU

Isuzu - bu Yaponiyaning o‘rta va og‘ir yuk avtomobillari va avtobuslari ishlab chiqaruvchi dunyodagi yirik kompaniyalardan biri hisoblanadi.

Kompaniya tarixi 1916 yilda, avtomobillar ishlab chiqarishga ixtisoslashgan «Tokyo Ishikawajima Shipbuilding and Engineering Co.» sanoatlashgan guruhi tashkil topganda boshlangan. Kompaniya 1916 yilda Angliyaning “Uspeli” namunasi bo‘yicha birinchi yengil avtomobilni yig‘gan. Kompaniya zavodida 1918 yildan boshlab yuk avtomobillarini yig‘ish boshlangan. Ishlab chiqarilgan birinchi rusum A-9 deb nomlangan. 1928 yilda "Ishikavadzima"da to‘liq yapon konstruksiyasi tug‘ilgan. Ushbu firmaning barcha modellari “Sumida” deb nomlangan.

1933 yilda Ishikawajima Automotive Works kompaniyasi, Dot Automobile Manufacturing Inc. kompaniyasi bilan qo‘shilgandan so‘ng, ushbu alyans «Automobile Industries Co Ltd.» nomini oldi, o‘sha yili savdo va sanoat vazirligi uchun ishlab chiqarilgan yuk avtomobili, Yaponiyadagi daryolardan birining nomi -«Isuzu» degan nomga ega bo‘ldi. Keyinchalik 1934 yilda «Automobile Industries Co kompaniyasi»da, dizel dvigatellari sohasida izlanishlar olib borish bo‘yicha qo‘mita(komitet)ga asos solindi - bu o‘sha paytdagi kompaniya prezidenti bo‘lgan Tomonosuke Kanoning ish siyosatining bir qismi bo‘lgan. Ikki yildan so‘ng esa, ya'ni 1936 yilda Yaponiyada birinchi havo sovutgichli dizel dvigateli - DA6 dunyoga keldi. Bu Yaponiyada dizel dvigatellari rivojlanish tarixida ulkan muvaffaqiyat bo‘ldi. 1937 yilda esa «Automobile Industries» yana ikkita kompaniya bilan birlashdi va o‘z nomini «Tokyo Automobile Industries Co., Ltd» deb o‘zgartirdi.

1945 yil oktyabrda, Ikkinchi jahon urushi tugagandan so‘ng, benzin yonilg’isida yuradigan yuk avtomobili TX40 va dizel yoqilg’isida harakatlanadigan yuk avtomobili TU60 ishlab chiqarish qayta boshlandi. TX61 yuk avtomobillaridan, urushdan keyingi Yaponiyani vayronalardan qayta tiklash vaqtida keng foydalanilgan.

1949 yilda kompaniya o‘zining hozirgi «Isuzu Motors Limited» nomiga ega bo‘ldi. 1950 yilda Isuzu kompaniyasi Yaponiyada birinchi DA80 - suvli sovutgichli V8 dizel dvigatelini ishlab chiqdi, hamda o‘zining yaxshilangan xarakteristikasi sababli avtosanoatda qiziqish uyg‘otgan, mukammal tuzilishdagi to‘g‘ridan-to‘g‘ri purkash tizimiga ega yonish kamerasini yaratdi.

1953 yilda ingliz kompaniyasi Rootes bilan texnik ko‘maklashish bo‘yicha kelishuv imzolab, Isuzu kompaniyasi o‘zining, ingliz avtomobili Hillmanning nusxasi bo‘lgan birinchi yengil avtomobilini ishlab chiqardi. 1959 yilda 2-tonnalik Elf nomli yuk avtomobilini ishlab chiqardi, ushbu avtomobil tejamli dizel dvigateli DA640 o‘rnatilganligi,

yuk ko‘tarishi va uzoq muddat xizmat qila olishi, turli yo‘llardan o‘ta olish xususiyati sababli, juda yaxshi sotila boshlandi.

1961 yilda Isuzu, yengil avtomobillar uchun, 1991 kub.sm xajmga ega DL201 birinchi dizel dvigatelini ishlab chiqardi, va bu uchun Yaponiyaning injener-mexaniklar Jamiyatidan mukofot oldi.

1962 yil - Fudjisava zavodi ochildi, keyingi yil esa Bellett yengil avtomobili taqdim etildi. 1966 yilda Tailanddagi bo‘linmaga asos solindi, 1967 yil - Florian yengil avtomobili va Yaponiyada birinchi bor yuk avtomobillari uchun 4-taktli to‘g‘ridan-to‘g‘ri purkagichli dizel dvigateli taqdim etildi. 1968 yil - 117 Coupe yengil avtomobil rusumi paydo bo‘ldi.

1971 yil Isuzu o‘z aksiyalarining 34,2 foizini Amerika korporatsiyasi bo‘lgan General Motorsga sotdi. Ushbu hamkorlik natijasida 1974 yili Gemini yengil avtomobili dunyo yuzini ko‘rdi.

1975 yil Isuzu Motors America - AQSHdagi bo‘linmaga asos solindi. 1977 yil tejamli dizel dvigatelli Florian rusumi ishlab chiqarildi, 1979 yili esa - dizelli Gemini ishlab chiqarildi.

1980 yil - Fargo seriyasidagi mikroavtobuslar chiqarildi. 1981 yil - Piazza modeli paydo bo‘ldi (3-eshikli kupe).

1983 yil - Aska (Florian) yengil avtomobillar sotuvga chiqarildi. O‘sha yili Aska, RAC ingliz rallisida birinchi o‘rinni egalladi.

Isuzu o‘zining birinchi yo‘ltanlamas avtomobilini 1985 yilda ishlab chiqardi va u Rodeo Bighorn bo‘lib eksport uchun boshqa - Trooper nomini oldi. Ushbu rusum Mitsubishi Pajero bilan raqobatlashadi, shuning uchun konstruksiyasining o‘xshash bo‘lishi aniq edi, biroq yangi Pajero ancha ilgarilab ketganligi sababli Isuzu unga yetib olishi zarur.

1989 yil - yangi turdagi MU (Amigo) yo‘ltanlamas avtomobilining taqdimoti bo‘lib o‘tdi. 1990 yil AQSHdagi SIA (Subaru bilan qo‘shma loyiha - Subaru-Isuzu Automotive Inc.) zavodida Rodeo rusumini ishlab chiqarish boshlandi. Amigo/ Rodeo/ MU/ Wizzard rusumlarining ikkinchi avlodi (1998 yildan boshlangan) “parketli” yo‘ltanlamas sinfiga mansub. Hattoki bazaviy turlari ham orqa g‘ildirak uzatmalidir. Nomlarining ko‘pligi, maxalliy sharoitlarga moslashtirilib sotilayotgan bozorlarning ko‘psonliligida ham o‘z aksini topmoqda.

90-chi yillarda Isuzu bir qator ralli poygalarida g‘oliblikni egalladi. O‘sha vaqtga kelib Isuzu o‘rta va og‘ir yuk avtomobillari ishlab chiqarish bo‘yicha dunyoda birinchi o‘rinni chiqib oldi.

1997 yilda Trooper bazasidagi VehiCross nomli - yangi yo‘ltanlamas rusumi paydo bo‘ldi, uning dvigatel xajmi 3,2 l, quvvati 215 l.s. edi. Ikki yildan so‘ng VehiCross amerika bozorlarida birinchi bor paydo bo‘ldi. 1999 yil frankfurt avtosalonida ochiq kuzovli (tog‘ sayri velosipedlarini tashish uchun maxsus o‘rnatilgan yukxona) VehiCross bazasidagi konsept taqdim etildi, 2000 yilda esa Detroytda 5-eshikli varianti birinchi bor taqdim etildi.

1998 yil krizis holatiga tushib qolgan kompaniya yengil avtomobillarni ishlab chiqarishni boshladi. YUqori o‘tuvchanlik xususiyatiga ega Frontera avtomobilini Opel firmasi uchun ishlab chiqara boshladi. O‘sha vaqtning o‘zida siqilgan tabiiy gazda harakatlanadigan Elf CNG yuk avtomobilini ommaviy tarzda ishlab chiqarishni boshladi.

O‘sha vaqtda General Motors, Isuzu dagi o‘z ulushini 49%gacha oshirdi va Polshadagi - Isuzu Motors Polska bo‘linmasi o‘z faoliyatini boshladi.

Aynan (SUV) yo‘ltanlamas avtomobillari, mini-venlar va yuk tashuvchi furgonlar, to‘liq vazni 3,5 tonnagacha bo‘lgan Isuzu avtomobillari ishlab chiqarishning asosini tashkil qiladi. Bular TFS (4x2) va TFR (4x4) seriyasidagi pikaplardir. Yevropada ular Opel Campo va Vauxhall Bravo nomlari bilan mashxur. AQSH, hamda Lotin Amerikasi davlatlari uchun Chevrolet S-10 rusumiga o‘xshash bo‘lgan Hombre pikapi mo‘ljallangan. O‘lchami va kabina jixozlari Chevrolet bilan bir xil.

Isuzu mini-venlarining perspektiv bozorlarida, “lyuks tipidagi” Nissan Elgrand avtomobilining o‘xshashi bo‘lgan Fargo Filly avtomobili namoyish etildi. Fargo Filly avtomobili Shimoliy Amerikada sotilsa, ikkinchisi esa asosan Yaponiyada sotilmoqda. Fargo Van/ Fargo Bus yuk tashuvchi furgonlar va mikroavtobuslar, hamda yangi oilaga mansub Elf UT avtomobillari faqatgina Yaponiyaning ichki bozorlari uchun ishlab chiqarilmoqda, va eksport uchun chiqarilmaydi. Fargo Van rusumi to‘lig‘icha Nissan Urvan ga to‘g‘ri keladi, juda chiroyli yaratilgan yo‘lovchi tashuvchi Fargo Bus o‘zining svetotexnikasi va tashqi bezak elementlari bilan ushbu rusumdan farq qiladi.

To‘liq vazni 3,5 tonnagacha bo‘lgan tijorat avtomobillari ro‘yxatini mikroavtobuslar, furgonlar, pikaplar va ERVseriyasidagi yuk avtomobillar, NHR-/ NKR-seriyalaridagi kapotsiz Elf lar yakunlaydi. AQSH va Yaponiyada Elf 100 nomi ostida Nissan Condor/Atlas yuk avtombillari sotilmoqda.

2000 yili AQSHda DMAX, Ltd. kompaniyasi tomonidan dizel dvigatellarini ishlab chiqarish boshlandi, hamda General Motors Isuzu Commercial Truck, LLC kompaniyasiga asos solindi.

2001 yil may oyida Isuzuning yangi oraliq biznes plani - V-Plan e'lon qilindi. Ward’s Communications nomli professional avtobosmaxonaning fikricha Duramax 6600

Dizel dvigateli 10ta eng zo‘r dvigatellaridan biri deb tanlangan (bu hodisa keyingi 2002 yilda ham bo‘lib o‘tdi). V-Plan o‘rniga yangi uch yillik biznes reja qabul qilindi.

Bozordagi talabning oshganligiga muvofiq tarzda, hozirgi vaqtda Isuzu, ekologik parametrlari yaxshilangan dizel dvigatellarini ko‘plab ishlab chiqarmoqda. Isuzu va General Motors o‘rtasida imzolangan kelishuvga muvofiq Isuzu, GM guruhida ushbu sohadagi ekspert sifatida, dizel dvigatellari ustida aktiv tarzda ish olib bormoqda.

Bir muncha muddat oldin Isuzu, amerika konserni General Motorsning aktiv ishtiroki bilan ishlab chiqilgan Isuzu D-Max to‘liq o‘lchamli pikaplarning yangi lineykasini e'lon qildi. Ikkala kompaniyaning vakillari, ushbu loyiha ikkita avtomobil ishlab chiqaruvchilarning salkam 30-yillik hamkorligining eng muxim bosqichlaridan biri deb nomlashmoqda. Bundan tashqari, oxirgi paytlardi ma'lum bir moliyaviy qiyinchiliklarni o‘z boshidan o‘tkazayotgan Isuzu kompaniyasining taqdiri ushbu yangilikning muvaffaqiyat qozonishiga bog‘liq. Avtomobillar ishlab chiqarishni Isuzu yangi avtomobilining asosiy iste'molchisi bo‘ladigan Tailanddagi GM zavodiga ko‘chirish rejalashtirilmoqda. Isuzu kompaniyasi pikap va yo‘ltanlamas avtomobillarini ishlab chiqarishni Yaponiyadan aynan shu davlatga to‘lig‘icha ko‘chirib o‘tkazishni rejalashtirmoqda.

Кompaniya mahsulotlari narxlari.pdf (321 KB)

samavto.uz

tepaga